Ақтөбе қаласының білім басқармасы

Бүгін, 12.02. күні №8 орта мектебінде «Анаға тағзым» рухани-адамгершілік тәрбие орталығымен бірлесе отырып, жоспарлы түрде « Қыз – елдің көркі» атты оқу бағдарламасы аясында 8-класс  қыз балаларының қатысуымен, оқу-танымдық кездесу сабағы өткізілді. «Анаға тағзым» орталығының Ұлттық этика пәні мұғалімі Айсын Байтакова және Ұлттық этнография пәні мұғалімі Айнұр Мақсатқызының жүргізуімен, мектептегі қыз балалардың бойында ұлттық дәстүрлерді дәріптеу, адамгершілік, ибалылық секілді қасиеттерге тәрбиелеу мақсатында өткізілген шараның берер тағылымы мол. Бұл танымдық сабақтар жоспарлы түрде жалғасын табады.

#8 орта мектебінде қамқоршылық кеңесінің кезекті отырысы өтті. Отырыста төмендегідей мәселелер қаралды:
1. Кәмелетке толмағандар арасындағы құқық бұзушылық пен қылмыстың алдын алу шаралары;
2. Педагог мәртебесі туралы Заң жобасын таныстыру, талқылау;
3. Бос білім беру ұйымдарының басшыларын тағайындаудағы қамқоршылық кеңесінің рөлі.

      Ақтөбе қаласының 150 жылдығына орай Қазақстан Республикасының Білім жəне Ғылым Министрлігінің 2019 жылғы 10 қаңтар-10ақпан аралығында "Қамқорлық " дəстүрлі республикалық акциясы аясында #8 орта мектебінде "Мейірімді жүрек " атты қайырымдылық концерті өтті. Акция көп балалы, аз қамтылған, жетім, ата-анасының қамқорлығынсыз қалған жəне мүгедек балаларды қолдау мақсатында ұйымдастырылды. Мерекелік кешке Қазақстан Республикасының мәдениет қайраткері Феруза Нарман, мектеп түлегі Адаев Саят, Ынтызалиев Әлібек қатысып, өз өнерлерін көрсетті. Сондай-ақ барша қатысқан оқушылар мен ата-аналарға мектеп әкімшілігі атынан алғысымызды білдіреміз!

2018-2019 оқу жылы бойынша №8 орта мектепте аз қамтылған, көп балалы, жетім, ата-анасының қамқорлығынсыз қалған оқушылар ЖББ қорынан бөлінетін қаражаттан ыстық тамақпен оқушыларды қамтылуы туралы мәлімет

       2018-2019 оқу жылында мектеп бойынша барлық оқушы саны 1323. Оқу жылының басында оқушылардың әлеуметтік жағдайын аңықтау мақсатында мектепішілік комиссия құрылып (Бұйрық №611, 28.08.2018) зертеулер өткізіп, мектептің әлеуметтік паспорт жасалынды. Көп балалы отбасында тәрбие алып жатқан 267 оқушы, аз қамтылған отбасында -33 оқушы,  жетім және ата-анасының қамқорлығынсыз қалған - 5 оқушы. Жоспар бойынша осы категорияға кіретін оқушылармен жұмыс жасалып, жүргізілуде. 

#8 орта мектепте Денсаулық күніне орай 7-14 қыркүйек аралығында "Денсаулық - басты байлық" атты апталығы өткізілуде. Оқушыларды салауатты өмір салтына тəрбиелеу, дене шынықтыруға деген қызығушылығын арттыру, бос уақыттарын жаттығу түрлеріне арнауға баулу мақсатында мектебімізде бірнеше шаралар ұйымдастырылды. Атап айтсақ, 8-11 класс оқушылары арасында гір спортынан жарыс , 5-6 сынып оқушылары арасында минифутбол жарыстары өткізілді. Жеңімпаздар анықталып, марапатталды. 
Сонымен қатар, "Белсенді өмір-жүз жастық ғұмыр" атты флеш-моб, 1- сынып оқушыларына "Тазалық-денсаулық кепілі" тақырыбында медбикемен кездесу шаралары ұйымдастырылды. Осындай шаралар болашақта да өз жалғасын таппақ.